۳ ولایتونو کې؛ پولیسو ۱۰ تنه د جنایي جرمونو په تړاو ونیول
جنایي جرمونو سره د مبارزې پولیسو د بیلابېلو جنایي جرمونو په تړاو په جوزجان، نیمروز او نورستان ولایتونو کې ۱۰ شکمن کسان نیولي چې له لومړنیو څېړنو وروسته به عدلي او قضایي ارګانونو ته وسپارل شي.
له منځه یې، شپږ تنه د بېلابېلو جنایي جرمونو په تړاو په جوزجان، درې تنه د انساني قاچاق په تړاو په نیمروز او یو حرفوي غل د نورستان ولایت په مربوطاتو کې نیول شوی دی.