کندز کې اووه ترهګر طالبان وژل شوي او څلور نور ټپيان دي
تېره شپه ترهګرو طالبانو د کندز ولایت د قلعه ذال ولسوالۍ پر ځینو امنیتي پوستو بریدونه کړي، چې د ملي امنیتي او دفاعي ځواکونو له کلک غبرګون سره مخ شوي او په ترڅ کې يې اووه ترهګر طالبان وژل شوي او څلور نور ټپيان شوي دي.
پدې نښتو کې له خاورې د سپېڅلې دفاع په لار کې یو پولیس شهید شوی یو بل یې ټپي شوی دی.
همداراز تېره شپه د ملي پولیسو ځانګړو ځواکونو له افغان ځواکونو سره ګډ د چهار درې ولسوالۍ په "ماماخېل" کلي کې یو لړ عملیات ترسره کړي، چې په پایله کې يې د ترهګرو طالبانو د وسلو او مهماتو یوه ډیپو کشف او له منځه وړې ده.