کابل کې د غلو یوه څلور کسیزه ډله ونیول شوه
پولیسو د کابل ښار د اومې امنیتي حوزې په اړوند سیمو کې د یو لړ اوپراتیفي عملیاتو په ترڅ کې د غلو یوه څلور کسیزه ډله نیولې ده.
یادو کسانو د چهلستون په ده بالا سیمه کې له یوه کور څخه ۱۶۵۰۰ امریکايي ډالره، ۱۶۰۰۰ افغانۍ، یو میل تفنګچه او د یوه سیف سربېره یو شمېر مهم اسناد غلا کړي وو.
دا کسان د پولیسو د هڅو په پایله کې د چهلستون په نُه برجه او ده بالا سیمو کې له څارنې وروسته نیول شوي دي.
نیول شویو کسانو په خپل جرم اعتراف کړی دی.