کابل او نیمروز کې له اته ماین چاودنو مخنیوی شوی
د ملي پولیسو منسوبینو په کابل او نیمروز ولایتونو کې د څو جلا کشفي عملیاتو په ترڅ کې د اتو کړیو ماینونو له چاودنې مخنیوی کړی دی.
د یادو ماینونو له منځه؛ ترهګرو د کابل ولایت په پغمان ولسوالۍ کې درې کړۍ ماینونه او همدارنګه د نیمروز ولایت د زرنج – چخانسور د لارې پر مسیر هم پنځه کړۍ ماینونه ځای پر ځای کړي وو.
ترهګرو غوښتل له دې ماینونو څخه په استفاده وېره او وحشت خپور کړي.
د سړک غاړې او په ملکي ځایونو کې د ماینونو ځای پر ځای کول د ترهګرو طالبانو جنایتکارانه جنګي کړنلاره ده.