پکتیا کې څه باندې ۳۰۰ کیلو ګرامه نشه يي توکي کشف او ترلاسه شول
د ملي پولیسو ځانګړو ځواکونو د پکتیا ولایت د اریوب ځاځیو ولسوالۍ په سکندر خېلو سیمه کې یو لړ عملیات ترسره کړي، چې په ترڅ کې يې ۳۰۳ کیلو ګرامه نشه يي توکي د چرسو له ډوله له درې میله کلاشینکوفونو سره یو ځای کشف او ترلاسه کړي دي.
همداراز له نشه يي توکو سره د مبارزې پولیسو کابل کې د حامد کرزي په نړیوال هوايي ډګر کې هم یو کس چې یو شمېر نشه يي توکي یې په یوه لاسي بیک کې په ځیرک ډول ځای پر ځای کړي وو او غوښتل یې هندوستان هېواد ته یې قاچاق کړي؛ نیولی دی.