پولیسو کابل کې د موټرو درې غله نیولي او د درېیو موټرو له غلا یې مخنیوی کړی
د کابل ولایت د امنیه قوماندانۍ منسوبینو د کابل ښار په شپږمې امنیتي حوزې او بګرامي ولسوالۍ کې د دوه جلا عملیاتو په ترڅ کې درې تنه د موټرو د غلا په تړاو نیولي دي.
د بګرامي ولسوالۍ د امنیه قوماندانۍ پولیسو دوه غله هغه مهال تر پېژندنې وروسته نیولي، چې غوښتل یې یو عراده موټر د یادې ولسوالۍ په اړوند سیمو کې غلا کړي.
په همدې حال کې یو بل غل چې د کابل ښار په درېیمې، شپږمې او اومې ناحیو کې یې د موټرو د غلا په بېلابېلو قضیو کې لاس درلود او دا ځل یې غوښتل، د شپږمې امنیتي حوزې په اړوند سیمو کې یو عراده موټر غلا کړي، تر پېژندنې وروسته نیول شوی دی.
له یاد کس څخه دوه عرادې غلا شوي موټر هم ترلاسه شوي دي.