په ۱۳ ولایتونو کې د نشه يي توکو د قاچاق او پلور په تړاو لسګونه تنه ونیول شول

​له نشه يي توکو سره د مبارزې پولیسو په څو جلا عملیاتو کې، د هېواد په ۱۳ ولایتونو کې ۶۲ تنه د نشه يي توکو د قاچاق او پلور په تړاو نیولي دي.
​دا کسان په کابل، بلخ، پنجشېر، جوزجان، فراه، نیمروز، خوست، سمنګان، کاپيسا، غزني، پروان، سرپل او زابل ولایتونو کې د پولیسو د هدفي اقداماتو په پایله کې ونیول شول.
​له نیول شویو کسانو څخه نږدې دوه زره نشه يي ټابلیټونه (K ټابلیټ) او یو مقدار شیشه، چرس، الکولي مشروبات او تېزاب هم ترلاسه شوي دي.