په کندوز، فراه او هرات کې له څلورو ماین چاودنو مخنیوی شوی
پولیسو د کندوز، فراه او هرات ولایتونو په اړوند سیمو کې د څو جلا کشفي عملیاتو په ترڅ کې د سړک غاړې له څلورو ماین چاودنو مخنیوی کړی دی.
ترهګرو یاد ماینونه د کندوز ښار د درېیمې حوزې، د فراه ښار د دویمې حوزې او همدارنګه د هرات ولایت د رباط سنګي ولسوالۍ په اړوند سیمو کې ځای پر ځای کړي وو.
د یادونې وړ ده چې د دې ماینونو په کشف او شنډ سره له ګڼو ترورېستي پېښو چې د ملکي مرګ ژوبلې لامل کېدلې، مخنیوی شوی دی.