په نهو ولایتونو کې د ۳۷۶۱ اسلامي پولیسو فارغ شول
د کورنیو چارو وزارت د ښوونې او روزنې لویې قوماندانۍ له لوري د هېواد په ۹ ولایتونو (بلخ، هلمند، ننګرهار، پروان، هرات، پکتیا، کندوز، کندهار او میدان وردګ) کې ۳۷۶۱ تنه ساتنمنان له دوه میاشتنیو مسلکي، عقیدوي او تکتیکي زده کړو وروسته فارغ شول.
یاد سرتېري چې د وزارت له بېلابېلو قطعاتو څخه جذب شوي وو، د فراغت سندونو له ترلاسه کولو وروسته بېرته خپلو اصلي دندو ته د امنیت د ښه ټینګښت په موخه واستول شول. د ښوونې او روزنې لویه قومانداني هڅه کوي چې ټول روزنیز مرکزونه په عصري وسایلو سمبال او د مجاهدینو مسلکي ظرفیتونه لوړ کړي.