هلمند کې شپږ ترهګر بریدګر ونیول شول
د هلمند ولایت د امنیه قوماندانۍ د ترهګرۍ پر وړاندې د مبارزې منسوبینو په مرکز لښکرګاه ښار کې پینځه ترهګر ماین خښوونکي نیولي دي.
یادو ترهګرو غوښتل چې د دویمې امنیتي حوزې په اړوند احمدشاهي مېنه کې د ترورېستي پېښو په موخه ماین ځای پر ځای کړي.
له دې کسانو څخه یو عراده موټر، څلور سیټه موبایلونه او یو شمېر مهم اسناد هم ترلاسه شوي دي.
همدارنګه؛ د هلمند پولیسو یو بل ترهګر چې په مرکز لښکرګاه ښار کې يې هدفي وژنې ترسره کولې، له یوې قبضې تومانچې سره نیولی دی.