هلمند کې د ترهګرۍ ضد عملیاتو په ترڅ کې ۴۳ ترهګر طالبان وژل شوي او ۲۳ نور ټپیان دي
ملي امنیتي، دفاعي او هوایي ځواکونو د هلمند ولایت د مرکز لښکرګاه ښار او همدارنګه د مارجې، ګرمسېر او نهرسراج ولسوالیو په اړوند سیمو کې د ترهګرۍ ضد عملیات ترسره کړي، چې په ترڅ کې یې ۴۳ ترهګر طالبان وژل شوي او ۲۳ نور ټپیان دي.
د دې عملیاتو پر مهال د ترهګرو ۱۳ عرادې موټرسایکلونه، سپکې او درنې وسلې او همداراز لسګونه کړۍ بېلابېل ډوله ماینونه چې د عامه تاسیساتو د نړولو په پار یې ځای پر ځای کړي وو، له منځه وړل شوي دي.