هرات کې د یو میلون او ۵۰۰ زرو افغانیو په ارزښت غلا شوي سره زر کشف او ونیول شول
د هرات امنیې قومندانۍ امنیتي منسوبینو د هرات ښار د پنځمې امنیتې حوزې په مربوطاتو کې د یو کشفي عملیات پایله کې د یو میلون او ۵۰۰ زرو افغانیو په ارزښت سره زر موندلي او له تثبیت او پېژندلو وروسته یې خپل اصلي څښتن ته سپارلي دي.
په ورته وخت کې، د نیمروز امنیې قومندانۍ منسوبینو د یاد ولایت په دلارام ولسوالۍ کې ۱۹۸ زره غلا شوې افغانۍ لاسته راوړي او یو تن یې په تړاو نیولی دی.