نیمروز او زابل کې له ۱۴ خونړیو پېښو مخنیوی شوی

د ملي پولیسو ځانګړو ځواکونو د نیمروز ولایت په خاشرود ولسوالۍ کې د څو جلا کشفي عملیاتو په ترڅ کې د ترهګرو ۱۲ کړۍ ماینونه کشف او شنډ کړي دي.
بلخوا؛ د ملي پولیسو منسوبینو د زابل ولایت په شهرصفا ولسوالۍ کې هم د ترهګرو دوه کړۍ ځای پر ځای شوي ماینونه کشف او له منځه وړي دي.
ترورېستانو یاد ماینونه د ملکي خلکو د نښه کولو په موخه ځای پر ځای کړي وو، چې تر چاودنې دمخه د پولیسو لخوا شنډ شوي دي.