شپږو ولایتونو کې پولیسو ۱۶ تنه د جنایي جرمونو په تړاو نیولي 

جنایي جرمونو سره د مبارزې پولیسو له وروستیو ۲۴ ساعتونو راهیسې په هرات، سمنګان، ننګرهار، خوست، هلمند او نیمروز ولایتونو کې ۱۶ تنه د غلا، د مرګ ګواښ کولو او قاچاق په تړاو نیولي دي.
له نیول شوو کسانو، څلور تنه په هرات، درې تنه په سمنګان، درې تنه په ننګرهار، دوه تنه په خوست، دوه تنه په هلمند او دوه تنه نور د نیمروز ولایت په مربوطاتو کې نیول شوي او له لومړنیو څېړنو وروسته عدلي او قضایي ارګانونو ته سپارل شوي دي.