سرپل او خوست ولایتونو کې یو ماین خښوونکی نیول شوی او له شپږو ماین چاودنو مخنیوی شوی
د خوست ولایت د امنیه قومندانۍ منسوبینو د یو لړ اوپراتیفي عملیاتو په ترڅ کې یو ترهګر ماین خښوونکی نیولی دی.
یاد ماین خښوونکی هغه مهال ونیول شو، چې غوښتل یې د اسماعیل خېل مندوزۍ ولسوالۍ پر لار ماین ځای پر ځای کړي.
له نیول شوي کس څخه یو عراده موټرسایکل او دوه کړۍ د وسایطو ضد ماینونه هم ترلاسه شوي دي.
همداراز ملي پولیسو د سرپل ولایت د لویې لارې او د سانچارک ولسوالۍ په اړوند سیمو کې له څلورو ماین چاودنو مخنیوی کړی دی.
د دې ماینونو په کشف او شنډ سره له ګڼو ترورېستي پېښو او ملکي مرګ ژوبلې مخنیوی شوی دی.