د کورنیو چارو وزارت خبرتیا!
ښايي سبا د کورنیو چارو وزارت د عامه امن ریاست منسوبین له کابل ښاروالۍ سره په ګډه د ښاري نظم د جوړښت، د سړک غاړې د خنډونو د لرې کولو، لاسي کراچیو او د لاسي څیزونو د پلورونکو د ټولولو په موخه د کابل د لومړۍ حوزې په اړوند سیمو کې یو لړ عملیات ترسره کړي.
د سړک غاړې خنډونه د ښاري بې نظمۍ، د ترافیکو د ازدحام، په بېړنیو حالتونو کې د امبولانسونو پروخت د نه رسېدنې لامل کېږي او د عامه امن ریاست پرېکړه کړې، ترڅو د ښاري نظم د جوړښت لپاره یاد خنډونه ټول کړي.
کورنیو چاور وزارت ژمن دی ترڅو د ښاري ترافیک د نظم په موخه ورځ تر بلې کوټلي ګامونه پورته کړي او په دې برخه کې د خلکو همکارۍ ته اړینه اړتیا لري.
له خپلو پولیسو سره اوسئ.
