د کورنیو چارو وزارت خبرتیا!
په ټولنه کې د ښه امنیت او عامه نظم ټینګول، د هر هېوادوال غوښتنه ده او په دې برخه کې د هېوادوالو رول با ارزښته او د پام وړ دی.
د کورنیو چارو وزارت د امنیت په ټینګښت کې، د خلکو له فعاله ونډې په ځانګړې توګه د ۱۱۹ له مرکز سره د مالوماتو د شریکولو له امله؛ مننه او درناوی کوي او یو ځل بیا د افغانستان د با عزته خلکو د همکارۍ غوښتنه کوي.
په دې توګه؛ د کورنیو چارو وزارت مشرتابه پرېکړه کړې، هغه ریښتینې مالومات چې د افغانستان خلک یې له ۱۱۹ شمېرې سره شریکوي؛ د هغو د پلې کولو په برخه کې ټولو هېوادوالو ته ډاډ ورکوي.
له خپلو پولیسو سره اوسئ!
