د کندهار د پولیسو د روزنې سويل لوېدیځ زون ښوونېز مرکز له ۴۰۴ عامه امن کنډک څخه ۱۰۳ تنه مجاهدین له یو میاشتنیو شرعي او مسلکي زده کړو بشپړولو وروسته فارغ شول.
فارغو منسوبینو ته په جوړه شوې غونډه کې د اسلامي پولیسو د سویل لویدیځ زون د پولیسو د روزنېز مرکز قومندان الحاج مولوي مطیع الله فاروقي په ګډون د کندهار مرستیال والي الحاج مولوي حیات الله مبارک او ګن شمېر مسؤلینو او منسوبینو ګډون درلود.
د یاد مرکز قومندان هیواد کې ټينګ شوي امنیت ته په اشارې له فارغو منسوبینو وغوښتل چې ددې نعمت شکر ادا کړي. هغه منسوبینو ته په وینا کې وویل، د خپلو مشرانو اطاعت وکړئ او د خپل ولس او خاورې خدمت پوره په اخلاص سره وکړئ.
په پای کې فارغو منسوبینو ته بری لیکونه ورکړل شوه.