د کابل او بلخ په هوایي ډګرونو کې شپږ تنه د نشه یي توکو د قاچاق په تړاو ونیول شول
د کابل د حامد کرزي د نړیوال هوایي ډګر او د بلخ د مولانا جلال الدین محمد بلخي نړیوال هوایي ډګر سرحدي پولیسو شپږ تنه د نشه یي توکو “هیرویینو” د قاچاق په تړاو چې غوښتل یې بهر ته یې قاچاق کړي، نیولي دي.
د یادو کسانو له ډلې؛ په بلخ کې پینځه تنه چې څلور کیلوګرامه هیرویین یې په خپلو ګېډو کې ځای پر ځای کړي وو او همدارنګه کابل کې بیا یو کس چې یو کیلوګرام هیرویین یې په سفري بکس کې په ځیرک ډول ځای پر ځای کړي وو، نیول شوي دي.