د نیمروز والي شیخ محمد قاسم خالد د انسانانو قاچاق د مخنیوي په موخه د ټولو امنیتي مسوولینو سره لیدنه وکړه

په دغه ناسته کې، د نیمروز امنیه قومندان، د انسانانو د قاچاق د مخنیوي په پروسه، کړنو او لاسته راوړنو خبرې وکړې او خپل معلومات یې د مسوولینو سره شریک کړل.
د نیمروز والي، د انسانانو د قاچاق د مخ نیوي په هکله د ټولو مسوولینو کړنې وستایلې او په خپلو خبرو کې یې وویل چې، د امنیتي ادارو د ښه کړنو له امله په دغه ولایت کې د انساني قاچاق مخ نیوی شوی او مسوولینو ته یې وویل چې، باید دوی لا نورو لرې سیمو ته هم پام لرنه وکړي او لا نورې هڅې ګړندی کړي.