د نورستان په نورګرام ولسوالۍ کې پنځو ترهګرو طالبانو ته مرګ ژوبله اوښتې
د نورستان ولایت په نورګرام ولسوالۍ کې د ملي امنیتي ځواکونو په ځوابیه برید کې پنځو ترهګرو طالبانو ته مرګ ژوبله اوښتې ده.
یادو ترهګرو تېره شپه په نورګرام ولسوالۍ کې د ملي امنیتي او دفاعی ځواکونو پر پوستو بریدونه کړي، چې د امنیتي ځواکونو له کلکو ځوابیه بریدونو سره مخ شوي او په ترڅ کې یې څلور ترهګر طالبان وژل شوي او یو بل یې ټپي دی.
د یادونې وړ ده چې د ځینو وژل شویو ترهګرو جسدونه د جګړې په ډګر کې پاتې دي.