د ترافیک ریاست خبرتیا

له څنګه چې پوهېږئ د ښي شترېنګ وسایطو د ثبت او راجستر بهیر چارې روانې دي او اوس د ذیصلاح چارواکو له لوري د دې وسایطو طرزالعمل پاس شوی او د ۱۴۰۰ کال د وري د درېیمې نېټې له پيله د ښي شترېنګ وسایطو ثبت د ټولو ولایتونو په ترافیک ادارو کې پیل شوی دی. 
نو له همدې امله د ښي شترېنګ له ټولو مالکینو او متصرفینو غوښتنه کېږي څو د خپلو وسایطو د ثبت او راجستر په موخه د ترافیکو اړونده ادارو ته مراجعه وکړي.
که چېرې د درېیو میاشتو په لړ کې خپل وسایط راجستر نه کړي، نو وسایط به یې ودرول شي او پر وړاندې به یې قانوني جدي چلند ترسره شي. د ګډو ادارو کارکوونکي د ترافیکو په ادارو کې ستاسې په چوپړ کې دي.