د اسلامي امارت مجاهدینو او منسوبینو د وسلو ګرځولو او اجازت لیک په اړوند د کورنیو چارو وزارت خبرتیا !
د کورنیو چارو وزارت د غیرمسوول وسله والو، له قانونه د ناسمه ګټه اخیستونکو کسانو د پېژندلو او غوره امنیتي تدابیرو په موخه په ټول هیواد کې لازمه ګڼي، چې سر له ۱۴۰۲/۱/۱۳ نېټې څخه د افغانستان اسلامي امارات د اداري او ملکي ادارو هغه منسوبین او مجاهدین چې وسلې ورسره وي. د فورم اخیستلو او وسلې ګرځولو د اجازت لیک د اخیستلو لپاره دې په مرکز کې د کورنیو چارو وزارت عامه خدمتونو ریاست او په ولایتونو کې دې د امنیه قومندانیو د ډایاک مدیریتونو ته ورشي، ترڅو له قانوني طی مراحلو وروسته د وسلې ګرځولو اجازت لیک ترلاسه کړي.
په یاد ویش کې د محترمو ادارو لپاره یوه میاشت وخت ټاکل شوی دی، ددغې مودې له تېرېدو وروسته اړونده محترمې ادارې د شکایت حق نه لري.
