خوست کې لسګونه میله وسلې او ګڼ شمېر مهمات نیول شوي
د خوست امنیه قوماندانۍ ترهګرۍ سره د مبارزې پولیسو تېرو دوو میاشتو کې د خوست په مرکز او ولسوالیو کې د بېلابېلو چاڼيزو عملیاتو په مهال ۱۴ کلاشینکوفونه، پنځه میله توپانچې، یو میل راکټ یو میل پیکا، زرګونه د کلاشینکوف او پیکا مرمۍ، شپږ مخابرې، ۱۷ فشاري او لاسي بمونه، یوه د ماین پاکۍ موټر ډوله آله او یو شمېر د شپې دوربینونه، جیمر، او نور بېلابېل مهمات ترلاسه کړي دي.
د یادو وسلو او مهماتو په تړاو ۲۳ تورن کسان هم نیول شوي چې عدلي او قضایي ارګانونو ته سپارل شوي دي.