خوست کې د نشه یي توکو یو مشهور قاچاق وړونکی ونیول شو
د خوست ولایت د امنیه قوماندانۍ د نشه یي سره د مبارزې پولیسو د یو دقیق کشفي عملیات په ترڅ کې یو وسله وال او مشهور قاچاق وړونکی د دغه ولایت په مرکز خوست ښار کې نیولی دی.
د پولیسو د معلوماتو له مخې، له نیول شوي کس څخه یو میل کلاشینکوف، شپږ شاجورونه، ۴۰۰ فیره د کلاشینکوف مرمۍ، یو میل تومانچه، دوه لاسي بمونه او یوه اندازه چرس هم ترلاسه شوي دي.
له نیول شوي کس څخه د پولیسو څېړنې روانې دي، چې عدلي او قضايي ارګانونو ته به وسپارل شي.