بلخ او فراه کې شپږ تنه د جرمونو په تړاو ونیول شول
ملي پولیسو د بلخ او فراه ولایتونو په اړوند سیمو کې د څو جلا عملیاتو په ترڅ کې شپږ تنه د جنايي جرمونو په ځانګړې توګه د موټرسایکل د غلا، د مرګ ګواښ، د تېلو ټانکرو د غلا او سایبري جرمونو په تړاو نیولي دي.
د یادو کسانو له ډلې؛ فراه کې یو کس د موټرسایکل د غلا، دوه تنه د پولیسو د یوه منسوب د مرګ د ګواښ او یو کس د سایبري جرمونو او همدارنګه په بلخ کې هم دوه تنه د تېلو ټانکرو د غلا په تړاو نیول شوي دي.