د کورنیو چارو وزارت د عمومي قوماندانۍ د پولیسو اکاډمۍ خبرتیا
د پولیسو اکاډمي د ۱۴۰۱ تحصیلي کال لپاره د کابل او ولایتونو هغه ځوانان چې د دولسم ټولګي څخه فارغ وي په لاندې شرایطو مني.
۱- د افغانستان وګړی وي
۲- عمر یې له ۱۸ کلونو کم او له ۲۲ څخه زیات نۀ وي
۳- د دریو ( ۱۰، ۱۱ او ۱۲) نمرو اوسط یې له ۸۰ سلنه څخه کم نۀ وي
۴- د شمولیت غوښتونکي قد له ۱۷۰ سانتي متر څخه کم نۀ وي
۵- جرمي سابقه ونلري او له یوه کال څخه په ډیر تنفیذي بند نۀ وي محکوم شوی
۶- د پوره سلامتیا خاوند وي ( کوڼ، ړوند، ګونګۍ او شل نۀ وي) او په فزیکي ازموینه کې، لازم معیارونه تکمیل کړي.
۷- په نشه یي توکو، الکولي څښاک او نورو مسکراتو روږدی نۀ وي
۸- په سیاسي ګوندونو او احزابو کې، ونډه ونلري
۹- د اسلامي شریعت احکامو، قوانینو، اصولو، تعلیماتنامو او نافذه لوایحو ته ژمن وي
۱۰- د افغانستان د ملي پولیسو په صفوفو کې، د اوږد مهاله خدمت هود ولري
۱۱- واده یې نۀ وي کړی او د کورنی اعاشه یې په غاړه نۀ وي
۱۲- د کانکور آزموینه یې په موفقیت سره پای ته رسولې وي
په شرایطو وړ کسان کولی شي چې د وري له ۱۵ نه تر ۳۰ نیټې، د ازموینې د ګډون د فورمې ترلاسه کولو په موخه د تابعیت تذکرې، ۶ قطعې عکسونو او د دولسم ټولګي د فراغت اسنادو سره دې د پولیسو اکاډمئ ته مراجعه وکړي.
پته: د پولي تخنیک او ښوونې او روزنې پوهنتونو تر منیځ د افشار سړک
