د پاکستان لاس موټرو او بې اسناده موټرسایکلونو د ګرځونې په تړاو د کورنیو چارو وزارت اعلامیه

jamil-moi
۶

د مخکېنۍ اعلامیې په تعقیب سره د ښي لاس (پاکستان لاس) لرونکو موټرو هغه مالکینو ته چې له امنیتي اسنادو پرته په مرکز او ولایتونو کې تګ راتګ کوي، رسول کېږي چې د یادو موټرو د امنیتي سند وېش د (۱۴۰۰ کال د وري میاشتې له ۳مې) نېټې پیل شوی او تر ۹۰ ورځو (د ۱۴۰۰ کال د چنګاښ میاشتې تر ۳مې) ادامه لري. 
هغه هېوادوال چې د دې ډول موټرو لرونکي وي، غوښتل کېږي څو د خپلو موټرو امنیتي اسناد په تعیین شوي وخت کې طی مراحل او ترلاسه کړي.
په مرکز او ولایتونو کې د بې اسناده موټرو تګ راتګ قانوني-امنیتي سرغړونه ګڼل کېږي او پر وړاندې به یې جدي چلند ترسره شي.
همدارنګه؛ د موټرسایکلونو وارد کوونکو ته هم رسول کېږي، چې له ترافیکي اسنادو پرته (بې پلېټ او جواز سیر) موټرسایکلونه ته له ګمرکونو د ایستلو اجازه نه ورکول کېږي او محترم وارد کوونکي مکلف دي څو له ګمرک څخه د موټرسایکلونو تر ایستلو دمخه د ترافیکو له ادارې څخه نمبر پلېټ او جواز سیر ترلاسه کړي. له قانوني اسنادو پرته به یې وسایط ضبط شي او هغه مهال بیا د شکایت حق نه لري.
له خپلو پولیسو سره همکار اوسئ!

Latest announcements

Sun, Jan 27 2019 2:31 PM
Background image

To All Afghan National Police Forces

Based on article 153 of Afghanistan Constitution and article 415 of Criminal Code, Armed forces and Police are not allow

Back to announcements