د پاسپورټ د وېش لړۍ د درېدو په تړاو د کورنیو چارو وزارت خبرتیا

jamil-moi
8

درنو هېوادوالو! لکه څنګه چې کرونا ویروس په ټوله نړۍ کې د انسانانو د روغتیايي وضعیت پر وړاندې جدي ګواښ دی او دا ویروس په تړلو او ګڼه ګوڼه ځایونه کې ډېر ژر خپرېږي او خلک پرې اخته کېږي؛ نو د درملنې او مخنیوي لپاره یې د عامه اړیکو دولتي کمیټې پرېکړه کړې، چې ټول هغه ځایونه چې پکې د خلکو ټولېدنه ترسره کېږي، وتړي.
د دې کمېټې د پرېکړې پر بنسټ د کورنیو چارو وزارت لخوا په مرکز او ولایتونو کې چې لاندې موارد ترې استثنا دي، رسول کېږي چې د هېواد په کچه د ۱۳۹۹ل. کال د وري (حمل) تر وروستیو د پاسپورټ د وېش لړۍ بندېږي.
۱: کوم ناروغان چې د پاسپورټ ترلاسه کولو لپاره د پاسپورټ عمومي ریاست ته مراجعه کوي، د پاسپورټ د مرکزي ادارې د مؤظفو ډاکټرانو د ناروغۍ تر تایید وروسته کولای شي، خپل پاسپورټ ترلاسه کړي.
۲: ولایتونو کې کوم ناروغان چې ناروغي یې وخیمه او ښکاره وي، د اړونده ولایت د روغتیا ریاست تر تصدیق وروسته کولای شي خپل پاسپورټ ترلاسه کړي.
۳: ملي سوداګرو ته د صنعت او سوداګرۍ وزارت تر تصدیق وروسته پاسپورټي خدمات وړاندې کېږي.
۴: په ځانګړو حالاتو کې ټول ملکي او نظامي ټپيان کولای شي، پاسپورټ ترلاسه کړي.
۵: کوم متقاضیان چې د یوه بل معتبر هېواد ویزه ولري او په پاسپورټ کې يې ستونزې وي، کولای شي د پاسپورټ عمومي ریاست او یا هم په ولایتونو کې د پاسپورټ مدیریتونو ته مراجعه وکړي.
۶: کومو متقاضیانو چې په مرکز او ولایتونو کې له دې خبرتیا ۱۳۹۷/۱۲/۲۷ نېټې دمخه خپل اسناد طی مراحل کړي وي، کولای شي خپل پاسپورټونه په ټاکل شوي وخت له اړونده پوسټ خونو څخه ترلاسه کړي.
۷: بهرنیو اتباعو ته د ویزې تمدیدي خدمات په مرکز کې د پاسپورټ عمومي ریاست او په ولایتونو کې دپاسپورټ مدیریتونو لخوا چې د ویزې د تمدید خدمات لري، ترسره کېږي.

Latest announcements

Sun, Jan 27 2019 2:31 PM
Background image

To All Afghan National Police Forces

Based on article 153 of Afghanistan Constitution and article 415 of Criminal Code, Armed forces and Police are not allow

Back to announcements