د کورنیو چارو وزارت د پولیسو اکاډمۍ لویې قوماندانۍ خبرتیا!
د پوليسو اکاډمۍ د تېرې خبرتیا په دوام یوځل بیا هغه مینوالو ته خبر ورکول کېږي؛ چې د تیرو لسو کلونو راهيسې په یو شمیر ولایتونو کې لکه: زابل، بادغیس، کندهار، جوزجان، پکتیکا، سمنګان، سرپل، ارزګان، نیمروز او فراه ولايتونو کې د دولسمو ټولګیو فارغان او یا د معادل سند لرونکي ځوانان ندې توانیدلي چې، د پولیسو اکاډمۍ بېلابېلو پوهنځیو ته نوم لیکنه وکړي، چې له بده مرغه له دغې لړۍ څخه محروم پاتې شوي دي.
د کورنیو چارو وزارت مشرتابه مقام او د اداري چارو محترم معینیت د لارښووني سره سم، پریکره وشوه تر څو د پولیسو اکاډمۍ د افسرانو پلاوي یادو ولایتونو ته سفر وکړي او د ولایتونو د امنيه قوماندانیو د جلب او جذب قوماندانیو سره په همغږۍ د نظر وړ ولایتونوکې په لاندې توګه د نوم لیکنې لړۍ پيل کړي:
1. د پکتیکا او زابل ولایتونه:
د یادو ولایتونو د پولیسو د جلب او جذب په قوماندانیو کې.
2. د کندهار، هلمند او ارزګان ولایتونه:
د کندهار ولایت د پولیسو د جلب او جذب په قوماندانۍ کې.
3. د سمنګان، جوزجان او سرپل ولایتونه:
د بلخ ولایت د پولیسو د جلب او جذب په قوماندانۍ کې.
4. د نیمروز، فراه، غور او بادغیس ولایتونه:
د یادو ولایتونو د پولیسو د جلب او جذب په قوماندانیو کې.
5. کوم داوطلبان چې په کابل کې یې نوم لیکه کړې ده، د اعتبار وړ ده، بیا ځلي نوم لیکنه ته يې اړتیا نشته.
د نوم لیکنې لړۍ د شنبې په ورځ 8/7/1455 ه-ق د 30/10/1402 ه-ش نېټه پیل او تر پنجشنبې 13/07/1445 ه-ق چې د 05/11/1402 نېټې سره برابره ده، دوام مومي.
ټولو مینوالو ځوانانو ته چې د پولیسو اکاډمۍ شپږګونو پوهنځیو (حقوق او جنایی علوم، امني، ترافیک، لوژستیک، کمپیوټر ساینس، محابسو اداره او سرحدي) ته د شاملېدو غوښتونکي دي، خبر ورکول کیږي تر څو د مخکني خبرتیا د شرایطو په پام کې نیولو سره، یاد پلاوي ته مراجعه او نوم لیکنه وکړي.
