ابلاغیه
د شخصي او خصوصي ساتونکو لپاره معیار!
په کابل او ولایتونو کې په زرګونه خلک په دې بهانه چې شخصي امنیت یې تر ګواښ لاندې دی؛ له شخصي او خصوصي ساتونکو ګټنه کوي او په سلګونو نورو یې بیا د وسلو د لېږد د جواز غوښتنه کړې.
خو تر دې وروسته:
د کورنیو چارو وزارت به؛ هغو کسانو ته د وسلو جواز ورکړي، کوم چې د مالیې وزارت د مالیه ورکوونکو په نوملړ کې شامل وي.
مالیې وزارت کې د مالیه ورکوونکو درې ډلې (لویې، منځنۍ او کوچنۍ) شاملې دي.
هغه کسان او شرکتونه چې د مالیه ورکوونکو په نوملړ کې شامل نه دي، د وسلو جواز یې لغوه کېږي او د وسلو د جواز غوښتونکو ته به تر هغه وخته، د وسلو جواز ور نه کړل شي؛ تر څو چې د مالیاتي روڼتیا تصدیق یې نه وي راوړی.
کورنیو چارو وزارت او ملي پولیس دا چاره یوازې د ملي عوایدو د زیاتوالي په موخه ترسره کوي او تر څنګ یې د افغانستان له مالیاتي نظام څخه لرې، د پټو او ناپېژندل شویو زېرمو او سرچینو په اړه به هم اوچت ګامونه پورته کړي.
غښتلی او کاري دولت، د هر افغان د عزت ضامن دی.
له خپلو پولیسو سره اوسئ!
