بهر ته د زړو وسپنو له لېږد او قاچاق څخه د مخنیوي په پار د کورنیو چارو وزارت خبرتیا
شنبه ۳ تله ۱۴۰۰
کورنیو چارو وزارت د مرکز او ولایتونو د امنیه قوماندانیو مسوولینو ته لارښوونه کوي، څو په هېواد کې د صنعت او سوداګرۍ چارو د لا ښې ودې او پراختیا په موخه له هېواد څخه بهر ته د زړو وسپنو (کباړو) له لېږد او قاچاق څخه د مخنیوي په برخه کې کوټلي ګامونه پورته کړي.
د مرکز او ولایتونو امنیه قوماندانۍ اړ دي څو هغه نامسووله کسان چې بهر ته د دولتي وسایطو او وسایلو د د وسپنو د لېږد او قاچاق په تړاو نیول شوي، په رسمي ډول د هېواد عدلي او قضایي بنسټونو ته وسپاري؛ ګنې د سرغړونې په صورت کې به له قانوني جدي چلند سره مخ شي.