کابل کې نننی برید د یوه بریدګر په وژل کېدو سره پای ته ورسېد

hakimi-moi
01

نن سهار د کابل ښار د لومړۍ امنیتي حوزې په اړوند شوربازار سیمه کې په وسلو یوه سمبال ترهګر د سکانو پر یوې عبادت خونې (درمسال) برید وکړ.

له برید سره سم د ملي پولیسو ځانګړي ځواکونه د پېښې د مهارولو په موخه سیمې ته ورسېدل او د سیمې له کلابندولو وروسته یې د ترهګر بریدګر له پښو غورځولو سربېره د پېښې په سیمه کې ۸۰ ملکیان چې ښځې او ماشومان هم پکې شامل وو، ژغورلي دي.

په ډېرې خواشینۍ سره چې د دې ترهګریز برید له امله ۲۵ ملکیان وژل شوي او ۸ نور ټپيان شوي دي.

ترهګر د ټولو دیني او انساني اصولو خلاف خپلې وحشیانه کړنې ترسره کوي او خپلو موخو ته د رسېدو په برخه کې هېڅ ډول انساني قواعدو ته ژمن ندي.

کورنیو چارو وزارت د ټولو هېوادوالو پر امنیت ټينګونې ځان مسوول ګڼي او پدې برخه کې به له هېڅ راز هڅو ډډه ونه کړي.

کورنیو چارو وزارت په شوربازار سیمه کې د سکانو پر درمسال د ترهګرو برید په کلکو ټکو غندي او د دې برید قربانیانو ته د غمشریکۍ ژور مراتب وړاندې کوي.

Latest announcements

Sun, Jan 27 2019 2:31 PM
Background image

To All Afghan National Police Forces

Based on article 153 of Afghanistan Constitution and article 415 of Criminal Code, Armed forces and Police are not allow

Back to announcements