د شهید سترپاسوال عبدالرازق د ملي پولیسو اکاډمۍ د عمومي قومندانۍ خبرتیا!
په هېواد کې د ننه او بهر د لېسانس په کچه د دولتي او خصوصي پوهنتونونو او د لوړو زده کړو موسسو فارغینو ته خبر ورکول کېږي چې:
د شهید ستر پاسوال عبدالرازق د ملي پولیسو اکاډمۍ عمومي قومنداني د پولیسو د جوړښتي کچې د لوړولو او مسلکي کولو، په ادارو کې د معاصرو زده کړو د کچې لوړولو او د کورنیو چارو وزارت د اصلاحي برنامو پر بنسټ په نظر کې لري؛ څو په هېواد کې دننه او بهر د لېسانس کچې (ځوانان/پېغلې) ته خبر ورکول کېږي، چې د اکاډمۍ په اړونده پوهنځیو کې له لاندې شرایطو سره برابر زده کړیالان مني.
۱: د افغانستتان اسلامي جمهوري تابعیت ولري.
۲: د حزبونو، سازمانونو او سیاسي ډلو غړیتوب ونه لري.
۳: بشپړه جسمي، رواني او اروايي روغتیا ولري.
۴: په نشه يي توکو روږدي نه وي.
۵: د کورنیو چارو وزارت له اړتیاوو سره سم په هېواد کې د ننه او بهر پوهنتونونو او لوړو زده کړو موسسو څخه د لېسانس معتبر سند ولري او د نمرو اوسط یې له ۸۰٪ کم نه وي.
۶: له انګلېسي ژبي او کمپیوټر سره بلدتیا لري.
۷: د هلکانو ونه له ۱۷۰ سانتی مترو او د نجونو ونه له ۱۵۵ سانتي مترو کمه نه وي.
۸: د ملي پولیسو په لیکو کې د اوږد مهاله (لږ تر لږه تر لسو کلونو) د خدمت کولو ژمنتیا ولري، قانون منوونکي او ملي ګټو ته ژمن وي.
۹: جرمي مخینه ونه لري.
۱۰: د داوطلب عمر له ۲۸ کلونو زیات نه وي.
۱۱: د ښځینه نوماندانو د شمولیت په برخه کې د دوی د کورنۍ رضایت اړین دی.
۱۲: کومو داوطلبانو چې په هېواد کې د ننه زده کړې بشپړې کړې وي، د دوی دیپلوم باید د لوړو زده کړو وزارت تاییدي او کومو چې له هېواده بهر زده کړې کړې وي، د دوی سند باید د لوړو زده کړو وزارت د اکاډمیکو چارو د انسجام عمومي ریاست تاییدي ولري.
هغه کسان چې په پلازمېنه او ولایتونو کې په شرایطو برابر دي کولای شي د خبرتیا د خپرواي له پیله د ۱۳۹۸ تر سلواغې میاشت پورې خپل غوښتنلیکونه دې ایمېل (moi.anpa.edu@gmail.com) ته واستوي او په مرکز کې د برېښنايي پتې سربېره کولای شي د ملي پولیسو اکاډمۍ عمومي قومندانۍ ته مراجعه وکړي.
یادونه: د لا زیاتو مالوماتو لپاره له لاندې شمېرې سره اړیکه ونیسئ.
۰۲۰۲۵۶۲۱۳۸
