د حامد کرزي په نړیوال هوايي ډګر کې یو کس د نشه يي توکو د قاچاق په تړاو ونیول شو
تېره ورځ د حامد کرزي په نړیوال هوايي ډګر کې د سرحدي پولیسو د قومندانۍ موظفینو یو کس د نشه يي توکو د قاچاق په تړاو نیولی دی.
یاد کس یو شمېر نشه يي توکي د پردو، چپنو او دستمالونو په منځه کې په ځیرک ډول ځای پر ځای کړي وو او غوښتل یې انګلستان هېواد ته یې ولېږدوي، چې هدف ته له رسېدو مخکې د پولیسو لخوا ونیول شو.
د دې کس قضیه تر لومړنیو څېړنو وروسته اړونده بنسټونو ته سپارل شوې ده.