له بې نظمۍ سره د مبارزې په برخه کې ۲۵ تنه منسوبین د یوې ښوونیزې دورې زده کړو له ترلاسه کولو وروسته فارغ شول
د چټک غبرګون قطعې او اطفایې ۲۵ تنه منسوبین د کابل پولیسو له ښوونیز مرکز څخه د ترکیې هېواد په همکارۍ له بې نظمۍ سره د مبارزې په برخه کې له دوه میاشتنیو زده کړو وروسته د فراغت سندونه ترلاسه کړل.
په دې مراسمو کې د کورنیو چارو وزارت د تامیناتي چارو معین ریاض درمل او د ترکیې هېواد د سفارت مرستیال "ایلگرترک بیرک" ګډون کړی و.
ریاض درمل له کورنیو چارو وزارت او د ملي پولیسو د روزنې په برخه کې د ترکیې هېواد له همکاریو مننه او درناوی وکړ.
ور پسې د ترکیې هېواد سفارت مرستیال د افغانستان د پخواني دوست هېواد په حیث له کورنیو چارو وزارت سره د لا زیاتو همکاریو ټټر ووهو.
د دې مراسو په څنډه کې د ترکیې سفارت مرستیال کورنیو چارو وزارت ته یو عراده "توما" موټر ډالۍ کړ.
دا موټر د اوبو یوه زېرمه، اوښکې بهوونکی ګاز او ځانګړی رنګ لري، چې د بې نظمۍ په وړاندې د مبارزې منسوبینو ته د دې وس ورکوي; څو د غیرمسالمت آمېزه لاریونونو د مخنیوي په برخه کې ترې مسلکي استفاده وکړي.