کابل کې؛ پولیسو ۲۷ تنه د نشه یي توکو د پلور او پروسس په تړاو ونیول
د کورنیو چارو وزارت نشه یي توکو سره د مبارزې پولیسو د څو جلا عملیاتو په مهال د کابل ښار په بېلابېلو برخو کې ۲۷ تنه د نشه یي توکو د پلور او پروسس کولو په تړاو نیولي چې د لومړنیو څېړنو وروسته به عدلي او قضایي ارګانونو ته وسپارل شي.
له نیول شوو کسانو درې کیلو ګرامه شیشه، یو اندازه چرس، ۲۸ کیلو ګرامه په نشه یي توکو کې کارېدونکي اومه مواد او ۶ زره او ۴۷۱ نشه یي ګولۍ ترلاسه شوي دي.