د کورنیو چارو وزارت نشه یي توکو سره د مبارزې معین الحاج لوی پاسوال ملا عبدالحق همکار په افغانستان کې د ترکیې جمهوري دولت سفارت د کورنیو چارو سلاکار ښاغلي ضفر کیشي او مل پلاوي سره ولیدل.
دواړو لوریو نشه یي توکو سره په ګډې مبارزې، بزګرانو ته د بدیل کښت برابرولو، روږدو راټولولو او درملنې او د روغتیاپالو د وړتیا لوړولو په اړه خبرې اترې وکړې. راغلي پلاوي د نشه یي توکو پر وړاندې د اسلامي امارت مبارزه او لاسته رواړنې وستایلې او د همکاریو ډاډ یې ورکړ.