د نشه یي توکو سره د مبارزې معین الحاج لوی پاسوال ملا عبدالحق آخند همکار د خپل کار په دفتر کې د غور ولایت له والي او امنیه قومندان سره ولیدل او د نشه یي توکو د لمنځه وړلو په څرنګوالي یې خبرې وکړې
د غور ولایت والي مولوي دین دوست او امنیه قومندان مولوي حینف آغا په دغه ولایت په مرکز او اړونده ولسوالیو کې د نشه یي توکو د لمنځه وړلو په اړه د امنیتي ځواکونو له کړنو او لاسته راوړنو خپل معلومات د نشه یي توکو سره د مبارزې له معین سره شریک کړل.
وروسته ښاغلي همکار د نشه یي توکو د کارخونو او کروندو د لمنځه وړلو په برخه کې د والي او امنیه قومندان هڅې وستایلې او له دوی یې مننه وکړه.