مولوي عبيدالله امين زاده د تخار د نوی والي په توګه وټاکل شو
د پېژندنې په غونډه کې، چې د کورنيو چارو وزارت لومړي مرستيال مولوي محمد نبي عمري، د کورنيو چارو وزارت د مقام د دفتر لوی رييس مولوي زين الله عابر، د کورنيو چارو وزارت د ماليې او بوديجې رييس حاجي وزير حقاني او ګڼ شمېر ولايتي مسؤلينو او رسنيو ګډون کړی و، الحاج مولوي عبيدالله امين زاده رسما تخار ته د نوي والي په توګه ور وپېژندل شو.
نوي والي د سولې يوالې او يو موټي کېدلو په اړه خبرې وکړې او او وعده يې وکړه، چې د تخار ولسونو ته به نه ستړي کېدونکی خدمت وکړې. هغه وويل هيچاته اجازه نه ورکوي، چې اختلاف منځته راوړي.