د ښځو د پیوستون د نړیوالې ورځې په مناسبت د کورنیو چارو وزارت د مبارکۍ پیغام
د ښځو د پیوستون د نړیوالې ورځې په مناسبت د کورنیو چارو وزارت د مبارکۍ پیغام
دوشنبه ۱۸ کب ۱۳۹۹
کورنیو چارو وزارت د مارچ د اتمې (د ښځو د پیوستون د نړیوالې ورځې) په مناسبت د مبارکۍ مراتب د افغانستان ملالو ښځو ته په ځانګړې توګه ښځینه پولیسو ته وړاندې کوي او د څښتن تعالی له درباره یې د سوکالۍ، روغتیا او بریا غوښتنه کوي.
ښځه د ټولنې بشپړوونکې ده او له میندو پرته هېڅ ډول ټولنیز پرمختګ او پراختیا شونی نه دی.
کورنیو چارو وزارت د ملي پولیسو په لیکو کې د ښځینه پولیسو له حضور څخه په کلک ډول ملاتړ کوي او ډاډ ورکوي، چې د حقوقو او امتیازونو د ورکړې په برخه کې به یې هېڅ راز هڅې ونه سپموي.
د کورنیو چارو وزارت مشرتابه له ټولو هغه میندو څخه چې خپل بچیان یې د ملي پولیسو لیکو ته استولي، مننه او درناوی کوي.
میندې د ټولنې د پرمختګ او ښېرازۍ د نسل روزونکې دي او همدا میندې دي چې ټولنیز انډول ته د سمون سربېره ټولنې د خیر او فلاح لوري ته سوق کوي.
په پای کې دې د مارچ اتمه د ښځو د پیوستون نړیواله ورځ یو ځل بیا نېکمرغه وي
