د پالیسي او ستراتيژي معینې بیوګرافي

Hosna Jalil

 

اغلې حسنا جلیل د ۱۹۹۲یم کال د مارچ په ۲۷مه نېټه په کابل کې زېږېدلې او د افغانستان په مرکزي ولایت غزني کې لویه شوې ده.
د ۲۰۱۸ کال په ډسمبر میاشت کې د افغانستان اسلامي جمهوریت د کورنیو چارو وزارت د پالیسي او ستراتیژي د معینې په توګه وګومارل شوه.
اغلې جلیل د صنعت په برخه کې د کانونو او پترولیم له چارو نیولې بیا د درملو تر تولید او واردولو؛ پوره شپږ کلنه مسلکي تجربه لري او په یادو برخو کې یې د اجراییوي مشرې په توګه دنده ترسره کړې ده. د نورو دندو برسېره اغلې جلیل د سترې استازې، افتخاري سفیرې، شنونکې، د کوچنۍ سوداګرۍ د سلاکارې، د اجراییوي مشرې، د سیمه ییزو او نړیوالو دولتي او خصوصي بنسټونو د سوداګریو د مدیریت او پراختیايي بورد غړې پاتې شوې ده. کورنیو چارو وزارت کې د پالیسي او ستراتیژي د معینې په توګه تر ګومارل کېدو دمخه د افغانستان اسلامي جمهوریت د کانونو او پترولیم وزارت د پالیسي او څېړنو د مشرې په توګه دنده ترسره کړې ده.
اغلې جلیل په طبیعي علومو کې د لېسانس او د افغانستان په امریکايي پوهنتون کې د ادارې او سوداګرۍ په برخه کې د ماسټرۍ په کچه خپلې لوړې زده کړې بشپړې کړې دي.