دغویی ۱۳ مه - ۲۵ تنه ترهګرطالبان په تېرو۲۴ ساعتونوکې د بیلابیلو چاڼیزوعملیاتو په لړکې ووژل شول

د خپرېدو نېټه: May 02, 2012

د ترهګرې پر وړاندی مبارزه
په تېرو ۲۴ ساعتونو کې د ملي پولیسو ،ملی پوځ ، ملی امنیت او ایتلافي ځواکونو  د نهو ګډو چاڼیزو عملیاتو په لړ کې چې د  لغمان ، کندز ، هلمند ، زابل ، میدان وردک ، لوګر ، پکتیکا او بادغیس ولایتونو په اړوندوسیمو کې یی ترسره کړل، ۲۵ تنه ترهګر طالبان ووژل شول او ۲۹ تنه یی ژوندي نیول شوي دي.

په یادو عملیاتو کې شپږ میله بیلا بیل ډوله وسلۍ ، ۵ کړۍ ماینونه ، ۵ ډزه د درنو وسلو مرمې، یوه پایه مخابره ، ۳۴ کیلوګرامه نشه یی توکې،۹۰۰ کیلوګرامه چاودیدونکې توکې او  دوه عرادي موټرسایکلونه دهیواد ملی پولیسو لاسته لویدلي دي.

همدا رازد خوست ولایت ملی پولیسوتېره ورځ یوه کړۍ د وسایطو ضدماین چې د طالب ترهګرو له لوري د غیراسلامي او انساني کړنو د ترسره کولو په موخه دیاد ولایت د ګربز ولسوالۍ د ده خیل کلي په اړوندو سیمو کې ځاي پر ځاي شوي وو کشف او شنډ کړل.

د جنایی جرمونوپروړاندې مبارزه
د کابل د۱۰۱آسمایی زون د ملي پولیسو منسوبینو تېره ورځ  څلور تنه د شراب څښلو او ټپې کولو په تړاو د کابل ښار د دویمې ، اتمې او لسمې امنیتي حوزو د اړوندو سیمو نه نیولي دي چې دم شیبه د ملی پولیسو د څیړنو لاندې دي.