د غویی ۱۰ مه - پنځه تنه ترهګرطالبان ووژل شول، یوتن ټپې او ۲۱ تنه یی دملی پولیسو په عملیاتو کی ژوندې نیول شوي دي

د خپرېدو نېټه: Apr 29, 2012

د ترهګرې پر وړاندی مبارزه

په تېرو ۲۴ ساعتونو کې د ملي پولیسو ،ملی پوځ ، ملی امنیت او ایتلافي ځواکونو  د لسوګډو چاڼیزو عملیاتو په لړ کې چې د ننګرهار ، کونړ ، کاپیسا ، کندهار ، هلمند ، خوست ، غزنی ، لوګر ، زابل او فراه ولایتونو په اړوندوسیمو کې یی ترسره کړل، پنځه تنه ترهګر طالبان ووژل شول، یوتن ټپې او ۲۱ تنه یی ژوندې نیول شوي دي.

په یادو عملیاتو کې ۷میله بیلابیل ډوله وسلۍ ، ۱۴ کړی د وسایطو ضد ماینونه ، ۱۷۴ ډزه د درنو وسلو مرمې ، ۳۰۰ ډزه د سپکو وسلو مرمې، ۱۰قبضې شاژورونه ، ۱۶ قبضې لاسې بمونه ، یو میل پیکا، ۱۴ کیلوګرامه نشه یی توکې،  دوه عرادي موټرسایکلونه اودري عرادي موټر دهیواد ملي پولیسو لاسته لویدلي دي.
د یادونې وړده چې تېره ورځ (شنبه) ملی پولیسو په پکتیا ولایت کې یوتن ترهګر د عبیداله په نامه د ۱۶ ډزه د هاوان مرمېو سره ونیوه.
نیول شوي ترهګر هغه مهال ونیول شو چې غوښتل یی چاودیدونکې توکې د یوعراده سراچه ډوله موټر په واسطه د یاد ولایت دځاځې اریوب ولسوالۍ ته د ترهګریزبریدونو لپاره انتقال کړي چې د پولیسو له لوري د یادو چاودیدونکو توکو سره یوځاي ونیول شو.

د جنایی جرمونوپروړاندی مبارزه
د کابل د۱۰۱آسمایی زون د ملي پولیسو منسوبینو تېره ورځ  یولس تنه د سړې وژني ، غلا کولو ، مخدره توکو د خرڅولو او ټپې کولو په تړاو د کابل ښار د دویمې ،څلورمې ، پنځمې ، اتمې ، نهمې  او اوولسمې امنیتی حوزو د اړوندو سیمو نه نیولي دي چې دم شیبه د ملی پولیسو د څیړنو لاندې دي.