دغویی ۹ مه - دري تنه ترهګرطالبان ووژل شو او دري تنه یی دملی پولیسو په عملیاتو کی ژوندې نیول شوې دي

د خپرېدو نېټه: Apr 28, 2012

د ترهګرې پر وړاندی مبارزه

په تېرو ۲۴ ساعتونو کې د ملي پولیسو ،ملی پوځ ، ملی امنیت او ایتلافي ځواکونو  د شپږو ګډو چاڼیزو عملیاتو په لړ کې چې د کابل ، ننګرهار ، هلمند ، کندهار  اوخوست ولایتونو په اړوندوسیمو کې یی ترسره کړل، دري تنه ترهګر طالبان ووژل شول او دري تنه یی ژوندې نیول شوي دي.

په یادو عملیاتو کې ۸ میله بیلابیل ډوله وسلۍ ، ۵۴ کړی ماینونه ، ۴۵ ډزه د درنو وسلو مرمې ، دوه قبضی راکټ اچونکې ، ۳۴۴ ډزه د سپکو وسلو مرمې، ۷ قبضې شاژورونه ،  یو عراده موټرسایکل اویوعراده موټر دهیواد ملي پولیسو لاسته لویدلي دي.
د یادونې وړده چې تېره ورځ (جمعه) ملی پولیسو په لوګر ولایت کې دوتنه ترهګر ماین خښوونکې ونیول .
یاد کسان هغه مهال ونیول شول چې غوښتل یی یوه کړۍ د وسایطو ضد ماین د یاد ولایت د مرکز  پل علم ښار د پشتون آباد کلی پرسرک ځاي پرځاي کړی.
همدا رازد هیواد ملي پولیسو په تېرو ۲۴ ساعتونو کې څلور کړۍ بیلا بیل ډوله ماینونه او ۱۲ ډزه د درنو وسلو مرمې چې د طالب ترهګرو له لوري د غیراسلامي او انساني کړنو د ترسره کولو په موخه د فاریاب ، زابل ، غزنی اوهرات ولایتونو په اړوندو سیمو کې ځاي پر ځاي شوي وو کشف او شنډکړل.

د جنایی جرمونوپروړاندی مبارزه
په همدی ډول تیره ورځ د کابل د۱۰۱آسمایی زون د ملي پولیسو منسوبینو پنځه تنه د سړې وژني او غلا کولو په تړاو د کابل ښار د څلورمې  او اوومې امنیتی حوزو د اړوندو سیمو نه نیولي دي چې دم شیبه د ملی پولیسو د څیړنو لاندې دي.