د وري ۲۹ مه - یو ترهګرطالب ووژل شو او اوه تنه یی دملی پولیسو په عملیاتو کی ژوندی نیول شوې دي

د خپرېدو نېټه: Apr 17, 2012

د ترهګرې پر وړاندی مبارزه
په تېرو ۲۴ ساعتونو کې د ملي پولیسو ،ملی پوځ ، ملی امنیت او ایتلافي ځواکونو  د دریو ګډو چاڼیزو عملیاتو په لړ کې چې د  غزنی ، خوست او کندهار ولایتونو په اړوندوسیمو کې ترسره شول، یوتن وسلوال طالب ووژل شو او اوه تنه یی ژوندې نیول شوي دي.

په یادو عملیاتو کې ۲۴ میله کلاشینکوفونه ، یو میل پیکا ، ۱۰ کړی ماینونه ، ۱۰۰ کیلوګرامه چاودیدونکې توکې ، یو د ځانمرګی واسکټ او یو عراده موټرسایکل دهیواد ملي پولیسو لاسته لویدلي دي.

همدا رازد هیواد ملي پولیسو په تېرو ۲۴ ساعتونو کې دري کړی بیلا بیل ډول ماینونه او ۹ ډزه د درنو وسلو مرمې چې د طالب ترهګرو له لوري د غیراسلامي او انساني کړنو د ترسره کولو په موخه د فاریاب او غزنی  ولایتونو په اړوندو سیمو کې ځاې پر ځاې شوي وو کشف او شنډکړل.

د جنایی جرمونوپروړاندی مبارزه
په همدی ډول تیره ورځ د کابل د۱۰۱آسمایی زون د ملي پولیسو منسوبینو ۱۰ تنه د سړې وژني ،غلا کولو اوټپې کولو په تړاو د کابل ښار د لومړې دویمې، څلورمې،  پنځمې او اتمې امنیتی حوزو د اړوندو سیمو نه نیولي دي چې دم شیبه د ملی پولیسو د څیړنو لاندې دي.