د وري ۲۷ مه - ۴۷ تنه وسله وال طالبان په څو بیلا بیلو چاڼیزوعملیاتو کی دملی پولیسوځواکونو له لورې ووژل شول

د خپرېدو نېټه: Apr 15, 2012

د ترهګرې پر وړاندی مبارزه

په تېرو ۲۴ ساعتونو کې د ملي پولیسو ،ملی پوځ ، ملی امنیت او ایتلافي ځواکونو  د یوولسو ګډو چاڼیزو عملیاتو په لړ کې چې د  کابل ، نورستان ، تخار ، بدخشان ، هلمند ، زابل ، ارزګان ، میدان وردک ، لوګر ، غزنی او پکیتا ولایتونو په اړوندوسیمو کې ترسره شول، ۴۷ تنه وسلوال طالبان ووژل شول ، ۳۱ تنه ټپیان او ۲۱ تنه یی ژوندې نیول شوي دي.

په یادو عملیاتو کې یوه زیاته اندازه سپکې اودرنې وسلۍ ، مهمات اوچاودیدونکې توکې دهیواد ملي پولیسو لاسته لویدلي دي.

همدا رازد هیواد ملي پولیسو دوه کړې بیلا بیل ډوله ماینونه چې د طالب ترهګرو له لوري د غیراسلامی او انسانی کړنو د ترسره کولو په موخه د هرات او تخار ولایتونو په اړوندو سیمو کې ځاې پر ځاې شوي وو کشف او شنډکړل.

د جنایی جرمونوپروړاندی مبارزه
په همدی ډول تیره ورځ د کابل د۱۰۱آسمایی زون د ملي پولیسو منسوبینو دوه تنه د سړې وژني اود مخدره توکو د خرڅولو په تړاو د کابل ښار د د وولسمې امنیتی حوزي او د کلکان ولسوالۍ د اړوندو سیمو نه نیولي دي چې دم شیبه د ملی پولیسو د څیړنو لاندې دي.
د یادونی وړده چې د کابل دنړیوال هوایی ډګر سرحدی پولیسو تېره ورځ څلور تنه  د جعلی پاسپورتونو نه د ګټې اخیستني په تور نیولی دي ، نیول شوی کسان دم شیبه د څیړنو لاندې دي